金融海嘯淹至，此時此刻保住份工要緊，賭波賭馬真係小注怡情好了，中得應唔一定要大大注，刀仔鋸大樹畀個驚喜自己好過；今次要出王牌，博英甲頭號愛隊列斯聯終止聯賽作客3連敗，打敗下游球隊車頓咸。
睇番本欄走勢，成單跳局，上次貼中阿爾克馬爾「主勝」兼3:0波膽，但單跳格，今周豈不是貼乜都輸？小弟當然唔信邪，但要攞最有信心嘅球隊出嚟博一鋪，英甲列斯聯是也。
車頓咸近績差兼鬧兵荒
列斯聯近期走勢反覆，在周中作客以0:1敗走修安聯，錄得作客3連敗劣績，目前仍緊守第3位，我仍相信該隊最終能奪聯賽1哥升班。今仗是他們5天內第2度作客，但球隊勝在兵源充足，從周中另一場冷門戰果白禮頓3:2打敗爭霸要角李斯特城，當中梅開二度嘅巴特利莊臣，其實係列斯聯球員，因該隊太多中場左腳𡃁仔，才借用予白禮頓至明年1月。列斯聯呢招真夠絕，仲有係侯城老牌射手韋達斯將借予列斯聯嘅傳聞，雖然剛被否認，但射球機器碧福特應該有壓力咯，喺時候再騷「哥利」！
客W得1.75倍，單注出擊不作他想，因對手車頓咸防線極度不濟，近績錄得3連敗後已跌至尾4，14戰失36球亦是英甲之冠，今仗更鬧兵荒，前鋒得番一個，停賽、傷兵及球員借用完畢離隊乜衰嘢都齊，周圍搵人借兵，今戰難逃一劫。
葉士域治上盤要拖
另一注，博英冠主場王葉士域治打低昆士柏流浪，今季主場勝率雖低，但得以換回賠率；對手昆士柏流浪上仗少踢一人仍小勝伯明翰，但今季作客7戰僅1勝，開讓球盤唔值博。再串今季從英冠降落甲組後有超級之感嘅斯肯索普，周中與列斯聯齊輸，今迎史雲頓穩勝，與列斯聯重返勝軌。
近5場往績：WLWLW
蘋果波神
水準有目共睹，長跟必有着數。