日本組合SMAP成員木村拓哉同歌手妻子工藤靜香位於東京目黑區嘅寓所，本月19號夜晚7點半左右曾俾人非法闖入。據悉當時有人趁木村一家外出，破壞住所嘅玻璃窗企圖入屋，但由於觸動防盜警鐘，犯人迅速逃離現場。目黑警署嘅警員瞬即到場調查，好彩木村一家經點算後發現冇任何損失。住喺附近嘅松本人志，今年5月都遇上同一經歷。