模特兒出身嘅日本女星押切萌大前晚喺東京坐的士途經南青山嗰陣，喺交通燈位發生交通意外，疑因尾隨嘅一架的士煞掣不及，導致兩車相撞，好彩當時衝力唔算大，喺車廂入面嘅押切萌只係頭部受輕傷，並無大礙。赤坂警署嘅警員到場調查後，認為意外現場交通良好，估計係後面嘅的士司機因為遲咗留意前面架車先至發生意外。