韓國女星文根英喺噚晚播出嘅新劇《風的畫師》入面，奉獻入行以嚟第一次拍攝出浴鏡頭，劇情講述文根英出浴時俾朴新陽偶然見到，識穿佢係女兒身嘅秘密。雖然拍攝嗰陣天氣寒冷，但文根英表現專業冇扭計，淨係話心情同劇中角色一樣好不安同尷尬，不過有觀眾睇完預告片段後，就認為冇必要加插呢場戲。