前日港股一片愁雲慘霧，噚日即刻唔同晒，大笨象喺低位急彈15元，高收90元，港股追番近1600點，前日當冇跌過，投資者嘅信心明顯好番好多，只要睇吓一眾散戶愛股嘅表現就知，好多都升番唔少，而且有大成交配合。
睇個勢港股反彈唔會咁短癮，起碼都要試吓14000關。期指明日結算，最重磅嘅股份應該會挾得最勁，要睇多兩眼。
工行C輪15270：工行（1398）佔恒指比重近5巴仙，係重磅股前列分子，昨日股價升返3.26元收市，下個目標係3.53至3.88元，可以諗吓隻C輪15270，隻輪昨收61仙，有效槓桿2.7倍。
正股升上3.88元，15270可見97仙，正股跌穿3元，就沽咗隻輪。
俊樺