【本報訊】在酒樓夥計眼中，梁萬剛是一位好老闆，酒樓開業以後，他每日都回來試食，但十多日前，他突然向酒樓管理層表示：「我唔返嚟嘞」，豈料一語成讖，員工對他跳樓自殺大為錯愕。
被下屬指為工作狂
金囍閣名廚美食顧問偉哥形容，梁萬剛是工作狂，對員工要求很高，他並懂得「食嘢」，酒樓開業以來每日回來試食。直至十多日前，他向管理層透露將不會返來酒樓，當時大家不以為意，至昨日收到死訊，員工均感震驚。
姓彭女經理則表示，梁萬剛是好老闆很會做生意，在飲食界屬於「叻人」，她說：「佢做酒樓做咗幾十年，為人好勤力，以前佢喺黃埔，有間叫康和嘅海鮮酒家，不過已經冇咗」。彭亦指梁氏夫婦表現恩愛，每朝拍拖到酒樓飲茶：「佢打躉睇住檔生意，會叫夥計執正啲，夥計做錯會鬧，鬧完就冇嘢。」