行會召集人梁振英帶隊，上星期同一班專業人士訪台，適逢大陸海協會副會長張銘清日前訪台時遇襲，據聞有團員擔心安全，尤其梁振英係親中紅人，成日被視為北京代言人。
有隨團成員話，今次係去台北唔係台南，藍營支持者應該多過綠營擁躉，而且梁振英都好知機，此行只表露專業聯盟主席身份，收埋行政會議召集人兼全國政協常委職銜，只談經濟不談政治，所以俾人點相追打嘅機會真係微乎其微。
另一團員話，由於綠營上星期六發起倒馬大遊行，所以訪問團星期五就返港，好穩陣。梁振英則話張銘清被打後，相信台灣當局會加強保安。其實梁振英喺台灣都冇乜知名度，如果咁都俾人打，點錯相可能性最大。