郭富城前晚與張智霖和經理人小美等打邊爐慶祝43歲生日，之後返家極速換衫換車神秘夜蒲，又出動保母車攔截傳媒追訪，一度傳出城城撇甩記者與熊黛林約會見面。熊黛林昨日出席活動時黑眼圈兼雙眼浮腫，似是玩完通宵，但問到昨日凌晨是否與城城神秘約會，她舉起三隻手指說：「我發誓，噚晚我成晚都喺屋企冇出街。」
熊黛林早前拖狗到郭富城大坑寓所慶祝28歲生日，可惜與城城閉門玩足33小時，也未能換來男友公開承認其天王嫂身份。前日輪到城城43歲生日，穿上黑色長袖T襯牛仔褲的他，於晚上相約張智霖、沈嘉偉、張叔平和經理人小美等，到灣仔謙記打邊爐慶祝，未見女友熊黛林出現。
堵通道阻追訪
不過，打邊爐打到㷫烚烚的城城，昨日凌晨12時乘保母車返抵大坑嘉園寓所後，竟極速換上灰色靚衫，然後駕駛其平治跑車絕塵而去，為撇甩記者追訪更着其保母車堵塞通道，阻止採訪車尾隨。
對於城城於生日會後獨自外出，小美昨日在電話中說：「佢同張智霖、沈嘉偉去打波咋。」儘管昨日張智霖在電話中也聲稱凌晨與城城及沈嘉偉打桌球耍樂，但城城打邊爐後不與張智霖等人同行，反而回家換衫換車兼撇甩記者，表現神秘，難免令人懷疑他驅車外出與熊黛林約會。
熊黛林昨日下午出席山頂廣場舉行的活動，連日休息冇工開的她，竟面露疲態，黑眼圈兼眼腫腫，但明顯心情風騷靚爆。問她是否昨晚有開心事？她即說：「噚晚？我喺屋企喎，我發誓。」之後她再舉高三隻手指說：「我發誓，噚晚我成晚都喺屋企，冇出街。」
補送生日禮物
城城神秘夜蒲，熊黛林說：「真係？我唔知喎。」她謂前晚沒見過城城並說：「有打電話，祝佢生日快樂。其他就唔話畀你哋聽。我冇見到佢，但會補送禮物，已經準備好，但唔會講係乜嘢。」問到眼腫腫一臉疲倦似玩通宵，她即說：「係咩？我都話我喺屋企，由夜晚2點瞓到今朝9點起身，我可能飲得水多，今朝又早起化妝整頭，咪眼腫囉。」
問熊黛林之前城城有否約她一起打邊爐？她說：「唔同你哋講，我都唔敢出街啦。」至於城城有沒有打電話給她？熊黛林則故弄玄虛說：「咁夜，唔記得喇。」再追問有否出街，她說：「我屋企得一個門口，有咁多記者，我隻狗都冇出過街。」
昨日活動後，熊黛林乘保母車前往灣仔經理人公司，逗留至下午5時許，其後返回大坑寓所，記者問她晚上會否出外？熊黛林一再強調說：「今晚唔出街啦！」
採訪、攝影：娛樂突發組、羅慧敏、藍文浩