呢排港股低處未見低，小弟隻愛股中人壽插到得番16個幾，真係傷；好彩呢兩期〈早飛倉〉心水都見得吓人，惟有安慰自己股場失意，波場得意啦！
近5仗征索察全勝
言歸正傳，今期小弟早飛心水又係愛隊之一：里昂；里昂過往都好似法甲大藍籌咁，長追有着數，冇錯今季轉教練，陣容亦變動好大，加上歐聯心頭高，呢排有啲兩頭唔到岸，聯賽已經3場不勝，上周六作客歐塞爾更被悶和0:0；不過周中法甲快車，我對呢支班底厚球隊好有信心，作客贏榜尾嘅索察不成問題，客W有1.83超筍。
以兵力計，里昂有賓施馬、杜拿蘭、祖連奴比南布肯奴等好手，巴西前鋒費特亦喜見於歐聯復出，就算有高禾、保廸馬、克拉克等傷兵，陣容都遠比索察好；至於榜尾的索察雖然上仗迫和南錫，已經聯賽4場唔使輸，不過休息時間比里昂少一日，主力如梅里斯比尼、比塞特等缺陣，近5次主場對里昂全部輸波，今仗都預咗失3分嘞！
波琴賀芬咸鬥「大」
過關方面，瑞超榜首爭到火紅火綠，卡爾馬上仗擊敗佐加頓斯，加上艾夫斯堡失分，卡爾馬又將榜首優勢增至3分；卡爾馬周三面對護級球隊加費萊，主W夠穩陣；而德甲亦加開快車，賀芬咸相信係各位波友心頭好，事關呢班波有前冇後，今次作客波琴，波琴後防又係唔穩陣，串入球「大」，隨時上半場未完就收錢。
牽牛
周中早飛超級重心
星期三40
費倫天拿大（2.15）
費倫天拿有梅度及基拿甸奴大勇，客軍國米則上場悶和熱拿亞稱會大變陣，斷估不會再失威，惟「大」更可取。
星期三55
基達菲勝（1.9）
基達菲近季是西盃專家，更連續兩年殺入西盃決賽，勝在經驗不俗；奧沙辛拿由新帥甘馬普領軍下仍無起色，料專注聯賽。
星期三62
彭美拉斯勝（1.55）
彭美拉斯有射手奇利巴停賽復出，而客軍戈亞斯基本上降班威脅不大，要爭前4自由盃資格亦渺茫，取主W及「主勝」。
難啃早餐
星期三28
史特加（下）
漢堡剛被賀芬咸大炒3:0，今役續缺尼祖廸莊等要員，難讓平/半。客軍史特加有馬里奧高美斯大勇，至少保不敗。
〈早飛倉〉
主菜：星期三19里昂勝（1.83）@2,000
渾水摸魚過關：星期三19里昂勝（1.83）x星期三23卡爾馬勝（1.36）x星期三25波琴大（1.45）3x1@1,000
今日早餐價錢：-$3,000
上日賺蝕：-$1,000
早飛倉結餘：$89,700
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。