郭富城噚日43歲生日，前晚生日前夕城城仲喺西貢開工拍戲，一直拍到噚日凌晨近3點先收工，跟住就坐保母車返去大坑道嘅屋企，當時有4架採訪車跟住城城，當返到城城屋企時，佢嘅司機、助手同大廈保安都出晒嚟阻止記者影相。到咗噚晚大約7點幾，城城單拖由屋企坐保母車，去位於灣仔謙記火鍋食晚飯，原來佢約咗一班朋友慶祝生日。