周麗淇（Niki）自上月傳出因「姣佘」佘詩曼介入，被迫與鄭嘉穎結束5年情後，一直表現得鬱鬱寡歡，不過昨日她已收拾心情，到清水灣為代言的中原電器店拍攝電視廣告，拍攝期間Niki要吊威吔吊足幾個鐘，其間更險些失足跣低，但她仍表現得十分興奮。
拒提鄭嘉穎
Niki拍照時興奮大擺甫士，又自認變態喜歡吊威吔，但目睹在場記者的情侶親密照時，她酸溜溜地說：「唔好喺我面前晒呢啲嘢。」似乎仍未完全克服情傷。對於鄭嘉穎認同男士分手後不要說太多話，她說：「唔好講呢件事，完嘞！Thankyou！」
今次Niki以7位數字酬勞取代側田及吳雨霏的代言人身份，雖然之前發生泰林結業事件，但她說：「我半年前已經簽訂約，雖然市道唔好，但呢間公司好有實力同好厚財力。」她自言工作量不受現時的金融海嘯影響，被問到是否因甩拖後有更多時間工作？她笑言一向都不錯。
採訪：駱華齡
攝影：黃文偉