大劉劉鑾雄愛將甘比（陳凱韻）順產誕下女嬰，得寵升級，她留學海外的妹妹近期也加入大劉旗下工作。甘比姐姐陳詩韻昨日指全家為甘比生女都感到開心，更透露她已能落床走動，至於BB女會否姓劉？她則表示不清楚。
大劉愛將甘比（陳凱韻）上周在山頂明德醫院誕下八磅多女嬰，昨日仍然有大批傳媒在醫院守候，但據悉甘比已於早上出院。待產期間，甘比由原來住在大劉所送的半山梅道一號豪宅，搬到帝景園和媽咪同住。她出院後相信會和囡囡搬返Mayfair住所坐月，昨晚7時多，甘比平時出入坐的CC8房車駛回帝景園，之後保鑣上樓收拾了兩袋物品後，返回半山梅道一號。
「一家人都好開心」
甘比備受大劉疼愛，甘比的姐妹一樣效力大劉旗下。甘比姐姐陳詩韻任職廣生堂總經理多年，其妹陳樂韻在外國升學返港後，近期也加入廣生堂，於銷售和市場部工作。
昨日廣生堂在山頂開新店，陳詩韻兩姊妹和嘉賓熊黛林一同在台上主禮。陳詩韻透露忙於為品牌年輕化，她說：「品牌已經111年，想再做年輕啲，logo都有改動，由上海畫像變咗用圖案砌嘅女字。」
記者恭喜陳詩韻的妹妹甘比添女，她即說：「多謝大家關心。」問她BB女改了名未？她有點支吾以對說：「未知道。」至於BB會否姓劉，她則小心翼翼地說：「唔清楚。」問到甘比產女的情況，陳詩韻說：「你問番佢本人啦，總之，我哋一家人都好開心。」對於甘比育嬰情況及是否已出院，陳詩韻則一律不願多講，但表示甘比已經可以落床，未知會否擺滿月酒。
採訪：羅慧敏
攝影：黃偉雄、娛樂突發組