吳佩慈和港男羅天宇昨日在紅磡出席「寶島美食滙」活動，佩慈即席獻唱舊歌《閃着淚光的決定》，唱罷羅天宇上台時大讚好聽說：「我讀中學時已經成日聽。」可惜擦錯鞋，佩慈聽到即一臉尷尬。
畀大小S過目
昨日有人爆料指吳佩慈的現任大馬富商男友Peter曾，與前RoadShow主持梁慧嘉（Viann）曾相戀數載，後移情吳佩慈，令Viann發火爆吳佩慈整容隆胸和人品差，對此吳佩慈說：「我男友唔係富商，只係做金融嘅生意人，我唔識Viann。我哋相識三個幾月開始拍拖，拍咗拖八個月，之前有畀大S（徐熙媛）同小S（徐熙娣）過目，佢哋都讚男友唔錯，以前有冇其他女朋友我唔清楚，但我哋喺埋一齊，好多重要節日佢都同我一齊，所以佢冇可能會劈腿（一腳踏兩船）。」
採訪、攝影：魯萍