金融海嘯令不少投資者損手爛腳，不少城中富豪都不見了一半身家，𡃁界女神Angelababy上周五趁港股失守萬三點時，以為撈底買入中人壽，可惜收市再跌蝕錢收場，不過也無損她的心情，如常出席前晚agn囗sb.在中環舉行的開幕派對。同場的吳雨霏則有父親幫忙投資，她並定下目標希望明年置業，買入千萬豪宅。
法國時裝品牌agn囗sb.前晚為慶祝中環ifc旗艦店LaLoggia開張，舉行開幕酒會，之後移師中環七號碼頭Watermark舉行派對，設計師Agn囗sb.也專程從法國到香港主持大局。
吸取教訓會睇定
前晚設計師Agn囗sb.與品牌之友黃耀明由ifc步行至七號碼頭，沿途欣賞香港夜景，出席派對的嘉賓包括潘楚穎、鄧愛嘉、梁家輝、吳雨霏、周汶錡、Angelababy和MandyLieu等，場面熱鬧。嘉賓中以身穿紅色tubedress的周汶錡最搶鏡，在場內與梁家輝一起飲紅酒，𡃁界女神Angelababy則以花裙示人，青春活潑。
投資初哥Angelababy，透露上周五趁港股失守萬三點關口入市，她說：「禮拜五用咗五位數字以22元買入中人壽，一心以為可以趁低吸納撈底，可惜買入後再跌，收市19.4元，不過自己唔會太過擔心，因為投資預咗有賺有蝕，之後會睇定一啲。」
Kary逆市諗置業
有父親幫忙投資的吳雨霏（Kary），則揚言明年目標是買樓置業，而且是千萬豪宅，她說：「其實今次海嘯冇點樣蝕錢，因為一向都係爹哋幫我投資。」記者問是否她父親愛女心切，幫她填氹？她說：「我唔知呀，不過我希望明年可以置業，目標係1,000萬嘅樓用嚟自住。」
採訪：MaKinWah
攝影：EdwardChou
人物誌：生活文化象徵
法國時裝設計師Agn囗sb.原名Agn囗sBourgeois，前晚她也有來港出席旗艦店開張，該品牌由她於1975年在巴黎成立，現年67歲的她除了設計之外，也十分支持電影、音樂和藝術等文化的工作。
今次在中環開設的全球唯一一站式agn囗sb.旗艦店，佔地超過15,000平方呎，集齊男、女裝、花店、旅遊概念店、餐廳和朱古力店於一身，賭王傅老榕的男孫傅厚民（AndreFu）也有參與新店的設計。
