花旗股市上周五反覆下跌，道指下挫312點收市，但技術走勢已轉穩，可望轉為區域整固。聯儲局議息係本周市場焦點，減息機會非常大，或會成為股市反彈藉口。
花旗若減息半厘，香港銀行好難唔跟，起碼都要減1/4厘，如果唔係資金又會大量湧入，令銀行結餘大增，最後都係要減息。如果外圍喘定，恒指反彈睇15000，吼實地產股。
新地C輪14113：新地（016）上周五收61.55元，跌幅唔算大，力守前一日低位，係收集嘅對象，隻C輪14113幾穩，可以翻兜，現價4.1仙，有效槓桿3.9倍。
正股升上67元，14113可見5.7仙，正股跌穿58.50元，就沽咗隻輪止蝕。
俊樺