官恩娜（Ella）被箍頸強吻事件發生兩周年，為催谷新碟宣傳，她昨日重回舊地，更性感谷胸上陣，又主動捉實男fans，為谷銷量一於膽博膽。
官恩娜於兩年前10月的中秋夜，在黃金海岸出席活動時，遭一名男子箍頸強吻，嚇得她魂不附體，成為城中熱話，隨後該男子被捕入獄，Ella兩年來未敢重回舊地。
「唔係中秋冇人狼」
正值強吻事件兩周年，有年半沒推出新碟的Ella，昨日為宣傳新碟《千帆》，選擇回到當年遇襲的現場舉行簽唱會，更性感谷胸上陣，又刻意走到台下與數十名fans作近距離接觸。Ella在台上主動捉住男fans嬉戲，可見她已將過往陰霾一掃而空。
Ella表示得悉要重回強吻地點宣傳，起初也有點害怕，她指公司已安排只批准相熟的嘉賓及fans上台，將發生意外的機會減至最低。而香港大溪地珍珠協會即場委任Ella為代言人，又送上首飾作賀禮，Ella的胞妹也有捧場。
谷胸上陣的Ella強調自己不算性感，而且全件衫用針線釘緊，一定不會意外走光，對於選擇場地，她指是由公司決定，事前沒有特別商討，公司只是事前以電郵通知她，但她因太忙未有看到。
Ella說：「因為好忙，未有時間傾場地，冇話有乜陰影，又唔係中秋同月圓之夜，冇人狼！公司好信任我嘅大膽，其實我唔係唔驚嘅，𠵱家又唔係夜晚，人狼都瞓咗覺。」
收冰雕感動落淚
當Ella見到大會送的新碟名字「Stages」的冰雕時，即時眼濕濕，上台時還用紙巾抹淚，她說：「見到個冰雕真係好感動，我都唔知係汗定眼淚。」
採訪、攝影：張俊銘