提起李寧，都會即刻諗起北京奧運開幕禮手持火炬凌空圍住鳥巢跑一圈嘅壯觀場面，呢位名噪一時嘅前體操王子噚日接受港台節目《舊日的足跡》訪問時以瘋狂嚟形容呢個點火構思，佢仲話，當初答應做主火炬手後，感到好大壓力，每日都提心吊膽，擔心未能完成任務，有負所有人嘅期望。
體操王子前年透過輸入內地人才計劃移居香港，佢話因為香港有特殊歷史背景，加上中西文化交滙，希望畀到9歲兒子李小寧一個良好學習環境。
提到金融海嘯，李寧話，香港人樂觀，又有拼勁，相信能夠安然度過。佢自爆遇到嘅最大挫折，係88年漢城奧運中表現嚴重失誤，當時受到好多人指摘，全靠朋友同親人支持，先至克服心理陰影。