關仁有個做經理人嘅靚女friend牛一，一齊去咗唱Ｋ慶祝，點知唱唱吓有個自以為係大老闆嘅「阿尾」入嚟，本來佢喺隔籬房同班女仔玩緊，但係佢就走咗過嚟八卦，見到在座仲有「老鼠仔」同「乸型蚱蜢」，於是大夥兒起哄叫佢請客，當時阿尾扮晒大佬冇拒絕，大家咪以為佢請客，佢又不停咁叫埋旗下啲𡃁妹入嚟隊酒，啲酒數就入咗壽星女間房，當大家玩完之後，各自走人，點知翌日壽星女收到電話，俾間卡拉OK話佢未埋單，於是壽星女透過朋友打電話畀阿尾問吓，但係阿尾已經變無尾飛鉈，不過關仁八到阿尾喺佢公司度同啲同事講話請咗壽星女唱Ｋ，真係cheap精。
Textby關仁