馬來西亞歌手曹格（右二）同台灣造型師女友吳速玲（左一）奉子成婚，佢哋嘅囝囝已經兩個月大，曹格都打算畀番名份佢哋兩母子。曹格同女友前日已經離開台灣飛返大馬，日內仲會辦理註冊結婚手續。飛返大馬前，曹格大前晚同女友喺台灣撐枱腳，雖然佢哋唔係浪漫燭光晚餐，而係拍拖去平民食肆，但睇佢哋舉手投足，小瑪歌覺得好有老夫老妻嘅溫馨感覺，真係sweet到痹！