已屆64歲嘅教育局局長孫公，歷事幾朝，煲呔上場後繼續留低，外界一直估計佢只係捱義氣，做多一、兩年就抽身，大約明年就退休，不過八方收到風，孫公退休大計可能有變，因為佢上場後撥亂反正，成功拆去多個炸彈，而未來棘手嘢都唔少，殺校、副學士、教學語言等都不容有失，有人指孫公仍有好多大事待辦，任重道遠咁話。
八方更聽聞，孫公明年4月左右，會再去歐洲取經，觀摩教改同語文教學，另外本地多間學校邀請佢到訪，佢亦一口應承，節目排得密密麻麻，局中人普遍認為孫公冇咁快起身，教育界議員張文光亦話孫公上任後冇大錯失，相信煲呔都未必想佢走，所以「貼」佢再坐一會。