旅行，最理想是GiveandTake，今天我人在異地，在你家留宿一晚，他朝你來我的城市作客，我也要盡地主之誼帶你遊一遊。上個月就有旅行中認識的朋友來港，帶行山頂Shopping是例牌菜，到最後卻被一個問題考起：香港，有乜嘢手信買呢？長期以「住客」身份在香港居住，相機靚衫就話識去邊度買，但到底乜嘢先係「遊客」心目中嘅特色手信呢？一時之間真係諗唔到。
終於俾我等到一本講香港手信嘅參考書！《香港最強手信》作者為資深傳媒人，深明香港人出國探親唔知帶乜好的困惑，整理出有關本土特色手信的購物指南，介紹40間手信名店的資料，隨手數就有陳意齋、英記茶莊、檸檬王等經典名字，真係你唔講起，我唔省起，原來香港都有好多特色手信㗎喎！
記者：劉嘉蕙
《香港最強手信》
出版社：青馬文化
作者：葉象文