又到萬聖節，人人都準備扮鬼扮馬去蒲，最新一期《大學生報》有篇文章〈Ghost校「靈」聲〉，主要講大學校園鬼古文化。八方係老餅，依稀記得港大荷花池女鬼同中大知名嘅「辮子姑娘」鬼古，睇完呢篇文，發現原來大學鬼故事，同學生一樣，都係一代新人換舊人。
最新出爐「鬼」古喺浸大流傳，去年底浸大宿舍有位女生疑因酒醉猝死，據《大學生報》講，無耐就有傳言指宿舍CommonArea經常有個白衣女子出沒，甚至會喺溫習室陪伴宿生溫書，呢個鬼古名為「女鬼伴讀」，聽落都心寒。《大學生報》只摘錄七個鬼古，八大院校中獨欠教院，點解教院最「亁淨」？如果有秘訣驅鬼辟邪，話畀其他大學聽好喎。