動漫Maggie李曼筠噚日着住吊帶背心短裙仔,出席喺西九龍中心舉行嘅「SkyRink冰鎮派對」,由四個赤裸上身嘅猛男抬住張梳化,帶佢出場,之後仲有教練教佢溜冰,不過一睇就知佢唔識溜冰,仲唔小心跣咗落地,不過動漫Maggie就好識執生咁擺番個靚甫士,跟住再幫另一男仔化萬聖節妝,佢話自己唔識溜冰,所以都好驚,好彩有個教練傍住。