【本報訊】暗瘡爆發蹂躪俏臉，令白滑「雞蛋殼」慘變凹凸「午餐肉」。近年盛行的「微針療法」（MicroneedleTherapySystem），利用鋼針刺激骨膠原再生的原理，令凹凸洞拜拜；消費者委員會去年至今接獲11宗相關投訴，一人在治療後疱疹復發。專家指此法在美國曾引起集體感染，有病人皮膚發炎潰爛。 記者：張嘉雯
消委會總幹事劉燕卿表示，該11宗投訴多與副作用、療效及收費爭拗有關，有巿民面部出現疱疹，亦有人在胸部採用微針療法，結果出現疼痛、紅腫、痕癢，「呢個始終係一個入侵性程序，我哋對佢嘅成效有保留」。
「塊面腫到豬頭咁」
根據其中一個供應商的網頁，微針棒上有192根細小鋼針，稱只要來回在皮膚上拉動，即可造出數千個微細管道，刺激骨膠原增生。
本港皮膚科專科醫生陳衍里指，微針療法源自巴西，原理與激光分段換膚相似，但微針療法危險得多，「表皮長時間唔埋口，如果啲針消毒得唔好就會細菌感染，亦都有啲人對啲anti-oxidant（抗氧化）藥過敏，有啲病人嚟到塊面腫到豬頭咁、流晒血，皮膚科醫生根本唔會幫人做呢啲。」至於激光分段換膚一個療程約三萬元，相比起每次收費500元的微針療法昂貴。
美國14人集體感染
陳衍里指，近年有文獻指微針療程無效，有個案接受療程後感染非肺癆結核桿菌，華盛頓一美容院曾出現集體爆發，14人先後經同一美容師進行微針療程，皮膚先後出現長時間不良反應，甚至發炎潰爛。
皮膚科專科醫生何家強指，微針療法屬高風險程序，本身患暗瘡的人接受治療，可能把暗瘡菌帶入底層皮膚，令病情惡化；此外，環境中存在多種細菌，抵抗力弱的人，如糖尿病人，或會因微針的創傷，引發細菌入血，導致敗血病，令人血壓低，甚至休克。