楊千嬅近日推出新碟《WonderMiriam》，銷量已達金唱片（約15,000張），唱片公司Amusic前晚在中環筵開三席舉行慶功宴。
「忍辱負重係榮耀」
跟千嬅傳不和的老闆黎明送上足金CD給她，她笑說：「揸住呢隻金唱片，好過揸滙豐。」兩人言談甚歡，似乎以行動打破不和傳聞。東亞老闆林建岳雖然傷手，仍有出席，並爭贏埋單。
黎明出現似要打破不和傳言，千嬅說：「我都俾人寫到金過金唱片，不過寫不和先老利，但唔好寫緋聞。」
千嬅被指在東亞華星演唱會海報中，直接找林建岳爭位，她說：「年三十晚爭頭炷香咩，我明白黎明上次話左手打右手點解咁嬲，但我唔嬲，有得忍辱負重係我嘅榮耀。」黎明則說：「千嬅有份量，唔使爭。」談到左手打右手的言論，黎明說：「大家唔使太介懷，互相提點唔係壞事。」由於黎明12月要宣傳電影《梅蘭芳》，故未能演出東亞華星演唱會。
採訪：李珮洳
攝影：林德雄