早排公仔箱開咗個生日會，仲搞埋點燈儀式，安排全台花旦小生着到鬼火咁靚出席，同公仔箱揸fit人七叔影番張靚相留念，場面相當熱鬧。
高層作補償
當日全世界都係將注意力集中喺邊個藝員企頭排邊個企靚位，完全冇為意到小生「山歌」為企位問題好唔開心。唔好以為排位呢樣嘢淨係花旦先至介意，其實就連中生小生都一樣咁計較，話晒山歌喺一班小生當中，係最有份量同資歷，屬於大哥級數，但當晚佢被安排企喺大側邊位，反而一班𡃁仔企正喺七叔後面搶晒鏡，山歌覺得唔受重視。
高層知道之後，除咗即刻安撫山歌之外，仲應承山歌，喺嚟緊嘅大型活動度，一定會執番個靚位畀佢，實行向山歌作出補償喎。
Textby關仁
