今日〈你想知想講想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●特首曾蔭權在《施政報告》中提出為生果金全面引入入息及資產審查，連日來飽受民意炮轟，前日他宣佈暫時擱置有關建議，但卻拒絕承認錯估民意，反而將責任推到市民身上，有政黨指曾蔭權「明顯係死雞撐飯蓋」。你對此事點睇？
當初乜唔係想清楚先推出，咁快轉軚，跛腳鴨政府！——亞貴
終於都肯低頭啦，事前無考慮清楚就亂咁講，整整吓官迫民反，又來一次暴動先至知驚！——烈焰小火柴
特首無疑是一個沒足夠智慧擔當行政長官的人。在民生經濟低迷期去談三十年後的問題，你以往有這遠景嗎……——拒絕中庸
反口覆舌，絕對係比董生更衰嘅曾特首，啲無厘頭嘅副局們就月薪十幾萬，啲老人家生果金就多多限制，絕對係無良政府。——大家姐
●社會要求政府向中信泰富回購東隧及西隧股份的聲音日濃，但運輸及房屋局局長鄭汝樺卻稱，政府即使回購也未必解決到塞車問題。立會各大黨派猛轟鄭汝樺錯失回購兩隧良機。你對此有何看法？
鄭汝樺只考慮「買」與「不買」，沒有考慮「需不需要買」……——crowberry
梗係縮沙喇，要留返嚟利益輸送俾啲權貴！——HKG
●一名嚴父因為7歲兒子英文考試成績僅得10分，向他怒摑一巴而被捕。你對子從寬或是從嚴，有何意見？
個阿媽咁教個仔，其實係害死自己個仔。驚考試唔及格就叫佢逃學，咁將來佢驚俾老闆鬧，係咪唔使佢返工先？——琋
……考試得十分都唔抵……以前我哋細個嗰陣，俾阿爸阿媽用藤條打到飛起啦！——angry
我年幼時極度頑劣，被父母兄長日夜招呼，皮鞭、藤條等閒事……大學畢業後的今天，對他們偶爾感到不快，但自己覺得管教孩子應與時並進，關心、溝通、了解、教導、督促，缺一不可。——黑包子