不是所有女孩子都是勾心鬥角，亦有互相欣賞的時候。JJ賈曉晨跟動漫Maggie李曼筠早前因為合作電影《有隻僵屍暗戀你》而結片緣。片中兩人不時要大鬥身材，雖然兩人纖濃不一，難得她們能夠各自發掘對方優點。JJ表示因被勁爆身材的動漫Maggie所吸引而忘記對白，被劇組人員取笑她鹹濕。
早前一同合作拍電影《有隻僵屍暗戀你》的JJ賈曉晨跟動漫Maggie，兩人的外表及身材均屬不同類型，前者身形纖瘦，後者就以豐滿上圍取勝，不過兩人卻惺惺相惜互相欣賞。
JJ唔敢隆胸
由於劇情所需，在《有》片中一眾女演員經常以不同的性感服飾登場，令她們也欣賞到對方的長處，JJ說：「拍攝時我都有留意到Maggie，佢身形好勁，我不嬲都好鍾意一啲擁有S形身材嘅女仔，有次我掛住睇，搞到連對白都唔記得，即刻俾劇組人員笑我鹹濕。」不過JJ就表示沒有勇氣去隆胸，她說：「我都想試吓上圍大嘅感覺，不過怕做手術又怕打針，胸大負擔又大，都係𠵱家咁夠囉。」
動漫Maggie就表示好羨慕JJ有一雙美腿，她說：「我反而好羨慕JJ雙腿，真係好靚，好修長，其實都幾怕自己嘅身材成日成為焦點。」她笑言希望別人多點留意自己開朗性格，她說：「其實我性格好開朗㗎，同我一齊會好開心好多笑位。如果講唔滿意嘅地方，就係想皮膚可以再好一點，手腳再瘦啲囉，整個身形再瘦一圈就好啦。」
幻想演《色，戒》
此外，JJ前晚與師弟狄以達亮相《蘋果》網站直播節目《娛樂開CHAT》，問到JJ在《有》片中的性感演出？她說：「好少啫，我喺戲入面好少性感場面。」她又自言每逢看戲時都會幻想自己是片中主角，她謂：「我睇完《色，戒》會諗吓自己做唔做到湯唯嘅角色，我諗如果李安肯搵我，我都願意做。」大家可登入《蘋果》網站 http://ent.appledaily.com隨時重溫節目。
採訪：何永寧、懷鈺
攝影：陳慧安、陳順禎
場地提供：銅鑼灣GAEAPUB&BAR