好敬重本報編輯烈仔，佢唔止踢波控球能力強，有大將風範，仲周不時購買足球雜誌自我增值。日對夜對足球仲未夠，問心，有幾多個肯「加操」？更難得係每次睇完嗰本好出名嘅足球周刊，到時到候一定pass畀小弟睇，我年中慳唔少。
早前喺本雜誌睇到關於羅馬更衣室派系之爭嘅話題，雖則講得誇張咗，但睇邊個屬於邊派，邊個唔妥邊個都幾有趣。羅馬最近衰到貼地，但對車仔表現已有起色。周日作客烏甸再輸，教練史巴利堤係咁歹。佢當日教烏甸頭頭是道，今返福地隨時反彈。
讓球：羅馬（平）
心得：史巴利堤知己知彼
近5場往績：WWWLL
藍鑽石
與簡拿華路同日出生嘅囡囡入學，今季大把時間睇波，尤其係意甲。