上期提到最近A字牌推出日本國家隊嘅復刻版球衣，如果想儲齊歷代嘅波衫，的確有難度。不過，筆者最近發現有一系列日本隊波衫嘅塑膠鎖匙扣出售，可以滿足吓有興趣嘅球迷。
鎖匙扣以類似日本最普遍嘅「食玩」形式出售，即係一套成10款，但唔知道包裝裏面會係邊一款，但價錢只係10蚊，都算是抵玩。筆者就喺日本百貨公司「吉X島」嘅10蚊店發現，但𠵱家仲有冇貨真係唔知……
上周推介川崎前鋒失手，今周再接再厲，對手只係篤定降班嘅札幌岡薩多，有信心可以贏番一場。
讓球主客和：川崎前鋒勝[-1]
心得：札幌降班冇心戀戰
近5場往績：LWL//
戰鬥員A
同足球有關嘅周邊物品都鍾愛，賭波就專攻日職聯。