李彩華前晚到中環出席派對，她表示因在內地狂食豬肉而增磅，上圍升cup，不少異性朋友更向她出言性騷擾。但現場所見，李彩華上圍不但平平無奇，反而被同場的「翻版樂基兒」周秀娜的低胸裝搶去風頭。
李彩華（Rain）、陳偉霆（William）、洪卓立、「翻版樂基兒」周秀娜和無綫藝人梁政珏前晚到中環出席雜誌派對。Rain身穿黑T恤到場，T恤兩邊的袖口很闊，露出銀色tubetop。
Rain表示早前在內地拍劇，因助手經常煮豬肉給她吃，結果肥了五磅，上圍升cup，她笑言：「比以前係『胸湧』咗。」但現場所見，Rain上圍只是平平無奇，反而同場的周秀娜和梁政珏穿上低胸裝更性感。王友良的韓國女模特兒朋友穿上小背心，更有谷胸效果，睇頭十足。
「升Cup係索咗」
問Rain會否因上圍升cup而覺得自己更靚更索？她說：「我一向都有自信，不過我發覺男人真係特別留意女性上圍，我着件T恤，啲男性朋友就眼甘甘咁望住，仲話我大咗，搞到我不知幾尷尬，不過升cup都好嘅，係索咗啲。」至於會否吸引更多追求者？她自言一向都有人追，並非因為身材改變才有，下月生日的她希望能遇到合適對象。
睇好林峯稱帝
談到緋聞男友蕭定一，Rain聞言笑說：「out晒啦！」記者提到另一過氣緋聞男友林峯被指為爭無綫台慶頒獎禮視帝，而出招請高層食飯，Rain只說：「近年都好少見，我唱K都有唱佢嘅歌，身邊朋友發展得好都開心。」Rain不諱言睇好林峯得視帝，會落力支持他。
對於公司近來好像力捧江若琳而忽略Rain，她表示自己工作很多，經常返內地開工。對於江若琳聲稱戶口只有58元，Rain坦言：「如果我只有58蚊，全家都要瞓街。」
採訪、攝影：李珮洳