台灣組合五月天所屬嘅唱片公司相信音樂，日前花咗4萬幾港幣，喺台灣開咗間「BeHappy」，專賣佢哋嘅新唱片同T恤，前晚開張大吉，吸引500個fans去捧場。為咗熱鬧啲，五月天仲燒炮仗，成員冠佑同怪獸抽中要點炮仗，點完即刻入店內躲避，小瑪歌覺得佢哋堂堂男子漢咁都驚，好搞笑。間舖賣一個月五月天產品後，就由阿信緊接租落去賣佢自創嘅品牌服飾。