金融海嘯，賤物鬥窮人，可以預期消費越多越便宜，特別係外遊，隔離埠以賭業同旅遊業為主，阿爺一收緊自由行政策，加上經濟唔好，之前過度擴張嘅酒店同賭場就首當其衝，賭場要裁員外，免費船飛、泥碼，甚至免費房都有，好似賭王話齋：「最怕你唔來！」
台灣亦都唔好得幾多，999可以直航來回高雄，不過就要擔心俾人打。
冇錢喺身，大家都唔會有心情出埠玩，希望係賭波中搵番啲使用；上仗推介雙馬戰開大，補時6分鐘先搞掂，今次再向大細出發，推介車路士對利物浦開「細」。
大細：車路士細
心得：呢排玩大細順啲
近5場往績：WLLLW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！