一直聞說內地會引入港人熱愛潮牌——AmericanApparel（AA），原來，8月底AA已在北京的國貿中心開幕，上海則是第二站。估都估唔到，十分鄰近香港的深圳竟成為AA的第三個中國駐點。
上星期六，小記到深圳一遊，經過一座專賣名牌的廣場名為「金光華廣場」，發現大大個「AmericanApparelComingSoon」字樣，實在令小記十分驚訝。再望望所貼的告示，原來此舖位已於8月開始裝修，預計9月底完工；不過直至上星期，還是未有完成迹象。究竟，它會於何時開舖呢？實在令人心急。不過連深圳東門都有間唔關無印事的「無印良品」，咁究竟呢間舖係真唔係呢？小記上網查證，結果係——堅嘅！AA官方網址寫明深圳分店地址，正是小記所到之處。死火，第日返深圳又要跌錢。（MayMay）
地址︰深圳羅湖區人民南路2028號金光華廣場B1129-130號舖