佘詩曼近日緋聞纏身仍然春風滿面，經常笑着回應與新歡鄭嘉穎的緋聞，昨日與過氣緋聞情人馬德鐘一同宣傳劇集，二人肆無忌憚表現親暱，馬德鐘主動從後捉住阿佘手腕玩遊戲，女方毫不抗拒笑笑口，表現受落，二人頗有默契，果然再見亦是朋友。
汪明荃（阿姐）、佘詩曼及馬德鐘等主演的無綫台慶劇《東山飄雨西關晴》將於下周一（27日）首播，昨日劇中演員齊集尖沙嘴美麗華酒店舉行宣傳活動，新人梁政珏在劇中與麥長青飾演一對夫婦，梁政珏昨日身穿低胸裝亮相，逼爆身材呼之欲出，搶去其他主角風頭。
阿姐戲中跪玻璃
活動上藝員分組玩遊戲，先是以長筷子夾壽包，然後要以忌廉及水果等裝飾一個大蛋糕餅底，佘詩曼與過氣緋聞情人馬德鐘被編排一組，阿佘要戴上眼罩操刀，遊戲開始時，馬德鐘即捉着阿佘手腕噴忌廉，又從後以雙手環繞着阿佘，二人態度親密，並同樣笑不攏嘴，阿佘有愛情滋潤心情大靚，相反另一組的黃浩然就十分避忌，在司儀提議下才敢挽着李詩韻的手臂繼續玩遊戲。
阿姐在劇中飾演當家，要跪玻璃及被鞭打，阿姐形容《東》劇是較另類的內心戲，至於安排在台慶月推出會否有特別優勢，阿姐說：「冇考慮呢點，公司決定，但啱啱拍完咁快出街就梗係好啦。」
阿佘戥黎姿開心
阿佘也希望《東》劇獲得好收視，談到日前黎姿宣佈退出娛樂圈，阿佘說：「戥佢開心，一定搵到人生另一目標。」黎姿退出後對阿佘而言一姐地位更穩固，阿佘說：「大家戲路唔同，我仍須努力，唔可以咁易滿足，上年都聽過黎姿話唔想拍戲，聽到佢話退出唔覺得好突然。」
採訪：卓寶花
攝影：陳俊強