陳慧琳（Kelly）成為劉太後繼續密密工作，前晚她更以剪短10吋頭髮的新造型示人，老公Alex大讚她得意。記者笑言她有微微小肚腩，加上蓄短髮，似準備造人，Kelly笑言結婚只不過20日，她說：「都希望有，不過冇咁快，聽天由命。」
陳慧琳婚後工作依然不絕，前晚她以嘉賓身份現身中環置地廣場，出席瑞士腕錶積家錶175周年活動，佩戴價值68萬多的鑽石錶示人。身穿黑色吊帶短裙的Kelly更剪掉10吋長髮，以中間分界、清湯掛面的新髮型示人，感覺十分清新，她更笑言老公Alex也大讚她得意。
喜緋聞男友靚仔
問到Kelly為何剪掉長髮，她說：「不嬲都想剪，不過之前結婚想紮髻，所以唔剪住，長頭髮係由第一隻碟留到𠵱家。」有指不少人準備生BB前都會剪掉長髮儲營養，加上她是夜穿的緊身裙顯得有微微小肚腩，問她是否努力造人後有好消息，Kelly即笑笑口說：「我結咗婚二十日啫，自己都希望有，邊有咁快，聽天由命。」問她若然有BB會否退出，她說：「到時先算。」
早前有雜誌將Kelly多年前與男模拍MV的照片作緋聞炒作，她對此高興地說：「笑料一則，係陳年舊事，當年喺希臘拍《都是你的錯》MV嘅男模特兒，不過都好，搵個模特兒，又係靚仔，我都好接受。」
子高認千嬅見家長
此外，丁子高是夜為活動公關，問到早前有報道指緋聞女友楊千嬅又做柴可夫，到機場接他，他表示純粹「湊巧」：「冇咁誇張，佢咁啱喺機場，順便車埋好小事，同千嬅係好朋友，私人嘢唔回應。」問到他千嬅有否見過他的父母，丁子高說：「見過，冇話熟，媽咪都見過。」問到他的母親對千嬅有何評價，他說：「冇乜，朋友一齊食飯。」
採訪：羅慧敏
攝影：陳志嵐
