李蘢怡（Tiffany）同杜德偉女友王珈晴（Bibe）噚日一齊去觀塘apm出席萬聖節活動。真係唔講唔記得，Tiffany原來同杜德偉傳過緋聞，佢噚日着吊帶裙現身，Bibe就露出小蠻腰同班嘩鬼合照。
「佢係topmodel」
問Tiffany同Bibe同場覺唔覺得尷尬？佢話唔識Bibe，又話：「唔會尷尬，我同杜德偉只係朋友，佢拍拖之後，我哋都好少聯絡。」佢自爆感情一片空白：「我冇拍拖，好男人好難搵，雖然有追求者，不過都係事業為重先。」
至於Bibe就話男友杜德偉萬聖節唔得閒陪佢，佢話：「萬聖節男友唔喺香港，去咗上海做嘢，陪唔到我都冇辦法，梗係工作為重。」對於與男友的過氣緋聞女友Tiffany同場，Bibe話：「都係好耐之前嘅事，人人都有過去，我好少問佢以前嘅事。我都冇見過周汶錡，好想見吓佢，因為佢係topmodel，見到佢都唔會尷尬嘅！」
其實Tiffany早於06年被發現同杜德偉密會，仲俾黃秋生踢爆拍緊拖，雖然Tiffany承認對杜偉德有好感，不過杜德偉話：「大家不過係朋友啫！」
