「𡃁界女神」JaniceMan（文詠珊）昨日與新晉歌手郭穎橋出席在鑽石山舉行的萬聖節活動，Janice表示今年萬聖節要先在工作度過，但工作過後會約朋友慶祝，她說：「以前嘅萬聖節多數會去鬼屋或者去蘭桂坊，但係真係太多人，所以今年我諗住喺屋企搞party，我唔係因為人大個咗而少出去玩，不過我覺得有啲嘢玩過就算，反而想搞啲新意。」
玩特技化妝
原來Janice所指的新意，是玩特技化妝，她說：「雖然以前我都試過扮鬼扮馬去玩，但好多時都係以靚為主，所以今年真係想試吓玩特技化妝，就算爛面都冇所謂。」有記者笑問她又會否擔心玩得太盡而影響女神形象，Janice笑說：「唔怕，最多咪做爛面女神。」
採訪：葉雪