鄭融演出歌舞劇，緋聞男友劉浩龍特來捧場，不過他的出現令鄭融頻甩嘴兼講錯對白，比起之前的演出大失水準，她在台上惟有用儍笑來遮醜，但最後她又承認劉浩龍令她心情緊張所致。
商台主辦的《森美小儀歌劇團孖俠》前晚在九展StarHall演出尾場，參演的有謝安琪、張敬軒、鄭融及森美、小儀，而到來捧場的有鄭融緋聞男友劉浩龍、陳志雲、梁漢文、黃伊汶及傅穎等。未知是否有劉浩龍來打氣，令到鄭融心情緊張，在演出時失準頻頻甩嘴，又講錯對白，她惟有儍笑向台上觀眾致歉，更要求重演一次。
表演完畢後問到鄭融是否因緋聞男友劉浩龍捧場，令她緊張到甩嘴？她笑笑口彈出一句英文說：「Cannotperform。」接着又說：「佢嚟咗係有啲令我做得冇咁好，加上我又感冒唔舒服，之前做四場都冇甩到咁。」在現場她又不時向劉浩龍座位方向揮手，鄭融說：「唔係，我係同觀眾揮手，我喺台上都見唔到佢（劉浩龍）。」記者笑問她患上感冒是否劉浩龍傳染給她？鄭融笑笑口反問記者：「乜佢病咩？佢都冇病。」
軒仔：我冇雄風
在演出中森美及一眾男演員也穿上貼身褲，惟獨軒仔不用穿上，他抵死的說：「我冇料到吖嘛，我冇雄風未發育，人哋話遲發育襟老啲。」森美則笑說：「本來服裝師叫我哋墊啲紙巾係下體度，因為冇咁現形，不過我冇咁做，只係着多條芭蕾舞褲，唔使fing來fing去，不過有位演員乜都冇打底，我哋笑佢做牛丸仔。」
採訪：駱華齡
攝影：黃偉雄