外國月亮比較圓？下年有望推出中國藍光！CBHD採用短波長藍色激光，屬於高儲存容量媒體，單面單層15GB，而DL就30GB，不過相對BD嘅25GB（單層）及50（雙層）就略為輸蝕。至於畫面質素，CBHD能支援全高清標準，能提供720P/1080i/1080P高清視頻輸出，一碟就能應付2小時高清畫面播放。
比Blu-ray便宜
CBHD要與日漸普及BD平起平坐，除咗倚賴國內巿場外，最重要仲係CBHD製作成本平到只係BD嘅3，相信賣街價亦會比BD平。不過要想CBHD於電影選擇方面能媲美BD，似乎還要等一段時間。據透露現時國外電影公司只有華納兄弟有機會推出CBHD，以採訪時所見CBHD影碟，全屬中國電影，而且仍然係樣品而已。
國產Prototype機先撐！
CBHD播放機，現知有3部PrototypePlayer，全部都係國產品牌，操作與一般Blu-ray無分別，輸出主要使用HDMI介面，價錢未定。
