港股噚日升番768點，算係維持低位守穩嘅格局，技術上仲係發展緊雙底走勢，如果升破條10日線，就可以推向17000嗰頭。
不過噚日個市成交唔夠，只得537億元，仲有樣嘢大家要留意，就係跌嘅股票比升嘅股票幅度較大，個勢仲未好穩，入市策略維持小注怡情，揀啲強勢股嘅窩輪短炒。
和黃C輪3264：和黃（013）昨收48元，反彈10巴仙，成交配合，和黃近排跌過龍，反彈應未完，短線有機上試53元，可以諗吓隻C輪3264短炒。
隻輪昨收2.4仙，槓桿率20倍（有效5.3倍），正股升上53元，3264可見4仙，正股跌穿46元，就沽咗隻輪止蝕。
俊樺