老實，唔係為減肥，睇怕你都唔多願做運動，多嘢做、無時間、怕攰……唔使藉口多多嘞，查實搭車搭船Shopping都可以做簡單減壓操，喺公眾地方做運動好怪？學農夫話齋：「舉高隻手，使乜怕醜？」唔使理他人目光，即刻Moveyourbody啦。
記者：周靜雯
攝影：楊錦文
模特兒：Miyoko（StageModels）、KKY、Mandy、Sharon、Roy
鳴謝：體育先鋒有限公司鄺美芳總監
隨時隨地自己做
使乜畀錢參加甚麼減壓運動療程？又理論又導師又要定時定候上堂，你唔嫌嘥錢我都嫌煩，隨時隨地自己一個人都做到簡單減壓操啦。前港隊體操代表鄺美芳話：「減壓操主要由拉筋、呼吸兩組動作組成，拉筋主要針對肩頸膊位置，呼吸幫助身體收緊放鬆，有助提升腦部供氧量，人都即時精神啲。得閒轉吓手腕、足踝，都有伸展之效。」咁喺乜地方做減壓操最好呢？「理論上只要唔影響其他人，乜地方都可以，當然，太嘈或者空氣太差嘅地方就唔太合適嘞。」即係話，搭車搭船Shopping都OK囉。
鬆肩操
1.一手握扶手，一手垂直拎手袋或重物。
2.提臂，曲手腕，慢動作拎起重物，從腰間開始拎上齊肩膊高度。
3.左右手互相交替，每邊做10次。
港鐵學放手
港鐵人逼，就算唔怕奇怪目光，但郁手郁腳始終影響人，所以動作要細。記住，企穩先做，搞到一仆一碌盞俾人笑。
巴士腳撐撐
巴士座位空間狹窄，太大動作盞踢到前面張凳，俾人鬧兼撞瘀對腳，好慘啫，揀個前面無遮無掩嘅座位，一定無衰嘞。
搭船捽耳仔
搭船好舒服，不過衰在船程短，揀好位坐就唔該快快開工，咪浪費時間，傾多個電話，隨時夠鐘落船咯。
超市玩鬥力
Shopping本身已經夠減壓，喺超市Shopping仲爽，一部手推車都可以做到簡單減壓操。
餐廳枱底踢
餐廳多人，難保對面枱無坐人，睇啱環境先好遞高雙腳。
慢慢加快吐氣速度，小腹越收越緊，肩膊要保持放鬆，當小腹收到最緊，開始盡量吸氣。
搭𨋢咪唞氣
記得係閉氣收緊腹部，唔係大力吸氣，𨋢人多空氣侷促，吸晒啲廢氣仲得了？
街訪：邊度做減壓操?
香港人都唔係咁怕醜啫，街坊都唔介意喺交通公具做減壓操，仲好有創意，諗到其他做運動好地方㖭。
騎呢人騎呢操
一齊動起來：嘩，離晒譜，喺路軌做體操，仲配埋音樂數埋拍子，係就係騎呢笑爆嘴，不過喺路軌同馬路跳，千祈咪學囉。
http://hk.youtube.com/watch?v=qI2bLwiiwQg&feature=related
集體動肩：教官教小朋友動肩減壓，騎呢在配《鳳陽花鼓》音樂，當堂Rock晒。
http://hk.youtube.com/watch?v=zfbZRvPloi8&feature=related
師奶魅力：師奶動作浮誇好笑容，人家媽咪級都做得咁好，我哋年輕人又點可以怕醜呢？
http://hk.youtube.com/watch?v=nDxJ_wzBLQg&feature=related
熱情西裝友：西裝友好熱情，用盡力做好所有動作，不得不服！不過如果企喺佢前面，我怕會俾佢打親囉。
http://hk.youtube.com/watch?v=_ySLTHpvlbo&feature=related
Twins減壓：兩位青春少艾喺同學面前表演減壓操，青春無敵就話啫，我做？嚇親人囉。
http://hk.youtube.com/watch?v=V-kxkPrjoP0&feature=related
激活青年：眼鏡男施展渾身解數，減壓操做到好似跳舞咁，唔講仲以為佢落D飲醉咗。
http://hk.youtube.com/watch?v=MdSnhq37r3k&feature=related50p
