上周末畢傑誓神劈願撐艾美利亞，小弟不但精神上，金錢上亦都支持；不過0:1飲恨西維爾腳下，〈開倉版〉重心未能連中兩口；好彩我哋信心仍在，周中支持另一西甲兵巴塞隆拿，歐聯作客瑞士嘅巴素利，「讓球主客和」「客勝」重心出擊。
巴塞希比復出
巴塞隆拿上仗作客只險勝畢爾包1:0，球迷或者有多少失望，尤其前鋒伊度奧完場前單刀失機，未能開出「客勝」；不過睇巴塞陣容，教練哥廸奧拿部署同之前對士砵亭嗰場歐聯前夕聯賽差不多，擺明留力踢歐聯；美斯、沙維休息，佩奧爾亦只後備上陣，雖然施度基達及耶耶托尼料因傷缺陣，不過希比亦已復出，馬基斯又可打番擅長嘅防中位，巴塞中場兵源仍然夠殺。
戈軍W串法林明高「大」
以巴塞在C組已兩戰兩勝，如果今仗贏埋巴素利揸住9分，出線16強高唱入雲；之後又可以專心番聯賽，所以今仗一定精銳盡出。
巴素利同巴塞波衫就好似，大家都係紅藍各佔一半，不過球隊實力就差天共地；巴素利分組賽兩場輸晒唔在講，合共失4球，後防認真麻麻；巴素利今時今日，仲要靠馬高史達拿、捷柏菲特、法蘭斯高馬基等二線兵，邊出得歐聯呢啲大場面？
畢傑上周未就中正3串1，今日嘅渾水摸魚過關當然要問佢意見，畢傑拍心口戈亞斯主W同法林明高開「大」；而周四歐協分組賽，海倫芬主場對AC米蘭，喜見AC前鋒朗拿甸奴復出，博入球「大」合理。
牽牛
周中早飛超級重心
星期三3
賓約哥「大」（1.62）
亞冠盃準決賽次回合，賓約哥首回合輸3粒，今仗肯定向阿德萊德聯狂攻，博大比主W安全。
星期三12
雲達不來梅（平）
希臘本土球會水準急跌，彭拿典奈高斯得番主場之利，平手盤點都支持雲達不來梅。
星期四9
哥本哈根勝（待定）
哥本哈根在本土聯賽表現對辦，聖伊天屬作客盲門，分組賽輸波機會高。
難啃早餐
星期三2
大阪飛腳勝[+1]（1.75）
浦和紅鑽首回合有一個作客入球在手，今仗唔失波就出線，紅鑽近期攻力甚弱，讓唔起飛腳。
〈早飛倉〉
主菜：星期三8巴塞隆拿勝[-1]（2.25倍）@1,500
渾水摸魚過關：星期三16戈亞斯勝（1.45倍）x星期四11海倫芬大（待定）x星期四17法林明高大（1.8倍）3x1@500
今日早餐價錢：-$2,000
上日賺蝕：-$260
早飛倉結餘：$90,325
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。