打狗黑輪，是一個良心僱主的故事。
高雄有一知名夜場叫「屋頂」，是台灣南部型男索女密度最高之地，員工忠心耿耿。不過幾年過去，員工老的老，再捱，又怕殘；辭職，又唔捨得。終於老闆想出兩全其美好主意，在屋頂附近開小食店，收留想轉早更的員工。剛在6月開張，從此，無人要走，夜場員工多個聚腳點，皆大歡喜。
講番食物，打狗黑輪標榜五星級，黑輪即台灣流行的7-11關東煮一類食物，一般篤幾串上街食，打狗不同之處，是客人可坐低慢慢食。特製黑輪口感彈牙，浸足一日不怕鬆泡泡，好味。
小店裝修簡單，牆上掛晒一隻隻碗，上面有晒label。「這是寄碗服務，將餐廳寄酒概念搬過來，讓客人可以用私家碗喝湯。」店員佳佳解釋。有良心又有諗頭，咁好嘅老闆，邊度搵？
記者、攝影：劉嘉蕙
打狗黑輪
地址：台灣高雄市林森一路159號（高雄捷運美麗島站步行3分鐘）
電話：（886）7-2614515
