昨日港股未有跟隨美股造好，高開之後無以為繼，下午跌市因素未明，嘉賓指股市此刻在不明原因的情況下升跌是可以理解的。嘉賓又指，壞消息已差不多盡出，加上大市跌幅已沒有之前那麼大，應該正在摸底。
楊：主持 楊慧玲
沈：英皇證券研究部主管 沈振盈
楊：現市跌幅好似收縮不少，有時反彈力度都唔錯，究竟後市短期可以上望幾多點？
沈：自從各國財長聯手救市，加上不斷注資之後，都見到銀行同業拆息有回落，信貸市場都有紓緩嘅情況，證明市場信心穩定咗，沽售壓力都會減弱；市場上亦會減少不問價沽盤。我覺得股市短期內會有一個反彈，時間可能係10月尾，而點數就喺17000點或者樓上。長線對股市嘅睇法，我覺得今年年尾股市會有上升浪。
陳小姐：我上年買咗中國人壽（2628），跌咗一輪之後就放咗。𠵱家跌到咁低我應唔應該入番？
現價入國壽睇長線
沈：其實你越係驚佢跌嗰陣，就越應該入巿，因為嗰陣就已經係一個低位。佢當然有機會再跌，但你如果睇長線就無問題。最低位我相信係19蚊，呢個位未必一定去到，可能21蚊已經反彈，但如果你係一半現金一半股票，可以𠵱家入一注先，到大巿確定咗係升你再追買，嗰陣你就會賺番晒。
今日嘉賓
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股
