黎姿、邵美琪和蔡少芬（Ada）前晚盛裝出席無綫台慶劇《珠光寶氣》郵輪派對，Ada身穿大露背晚裝示人，邵美琪則穿大低V晚裝出現，酥胸半露相當性感。相反有「愛美神」之稱的黎姿僅以小低V吊帶裙亮相，埋沒美好身材，相對之下黯然失色。
無綫台慶劇《珠光寶氣》今晚首播，前晚一眾演員和監製等在銅鑼灣登上「亞洲之星」郵輪出席宣傳派對，三位女主角黎姿、邵美琪和蔡少芬悉心打扮出現，蔡少芬身穿大露背加大低V晚裝示人，前後皆有睇頭，再襯上六位數字的珍珠頸鏈及耳環，成為全場焦點。
邵美琪穿上大低V晚裝，酥胸半露，性感誘惑，相反有「愛美神」之稱的黎姿只以小低V吊帶花裙示人，收起驕人身材，明顯遜色不少。
朱慧敏狂黐男星
同場其他演員也不時出招搶鏡，王喜影大合照時突然玩自拍；而身穿露肩短裙的朱慧敏整晚狂黐男星，主動撩林保怡，又和陳鴻烈十指緊扣，以奇招博上鏡。
之後一眾演員到泳池邊放洋燭台，黎姿、邵美琪和蔡少芬身穿長裙又怕走光，表現有點狼狽，黎姿笑說擔心被人推落水。有指她情緒不穩鬧走合作多年的助手，她笑說：「可能我近來靜，傳媒畀啲火花我。我唔會火爆，最唔開心都過咗，心情已平復。至於有冇鬧助手，見仁見智，問番佢。」黎姿表示近來忙於打理弟弟的美容診所生意，暫不接劇，故毋須急於請助手，記者笑她轉行，她笑言：「轉咗，公司好多嘢做，冇時間拍劇。」對於台慶頒獎禮是非，黎姿笑稱自己不是娛樂圈人，所以沒有留意。
至於穿上低V兼大露背裙的蔡少芬坦言怕走光，因為她沒有做任何防走光措施。她戴上贊助商的珍珠首飾，並說：「我生日同老公講想要鑽石，以備不時之需，點知俾老公話我儍，最後佢送個篋畀我，都好貴，夠買鑽石同鏈。」邵美琪則坦言是真空上陣，沒有黐膠紙。
陳豪揀靚頸女友
問到陳豪當晚三位女主角誰人較靚？他笑言：「三個都唔錯，再睇多次先。」他表示小時候揀女朋友會看樣貌，但現在則留意頸和膊頭，問到前女友廖碧兒如何？陳豪笑笑口說：「總之好多人都靚。」至於李司棋、鍾嘉欣和黃宗澤因有事未能出席。
採訪：何慧斯
攝影：陳順禎