花旗股市上個禮拜五好波動，雖然道指最後下跌127點收市，但係睇個勢應該已經定番好多，今晚好友再組織攻勢嘅機會好大。
喺各國央行不停泵水入市場嘅情況下，拆息普遍回落，而香港都一樣，「債券大王」格羅斯估計3個月拆息仲會跌多200點子，此外股神畢菲特同摩通都出晒口術叫買貨，短線個市可以睇番好啲。
建行P輪14854：大市短線或者會造番好啲，但係隻建行（939）就唔太樂觀，利淡消息仲困擾緊隻股，短線有機下試2.80元（現價3.50元），可以買啲P輪14854短炒，隻輪現價1.69元。
正股跌至2.80元，14854會見2.22元水平，正股升破4元，就沽咗隻輪止蝕。
俊樺