若紐記打出鬥志，曼城作客難讓波
揀錯葉士域治做膽，但其他全中，冇計
英超Big4齊贏，但全部熱W炒埋唔夠一碟
網誌日期：2008-10-19
以為我先咁騎呢沉溺於英冠英甲，估唔到國際足協會長白禮達上個禮拜尾失驚無神，點名讚列斯聯青訓出色，叫其他各地球會仿效，哈哈，白老喺金融海嘯下，呢鋪夠晒後知後覺咯！
同事藍鑽石兄即時話：「當年佢夠讚過南華當選每月亞洲最佳球會，轉頭隊波就喺亞冠盃被大炒，死未？」今次亦不例外，列斯聯即在上周末聯賽敗走另一升班要角米禾爾，同比利一樣，球壇另一隻大烏鴉。
列斯聯淪落多年，期間反而致力搞青訓，一班十零歲嘅小將逐漸抬頭，要必須升班解財困嘅壓力不太大；小弟自開季起，從未動搖過佢哋今屆必回升嘅信念，而且暫時成為小弟心中想佢贏就贏嘅銀行球隊。
淨係識重金挖角名牌嘅時代要過去，見到我個個禮拜日朝早起身睇到嘅銀河「爛」隊，我更反對引入類似NBA薪酬上限嘅制度，一個碧咸再加埋個美國球王當路雲咪又係排尾2，足球係踢11人，唔係籃球打5個，好難靠一、兩個人帶起，傳碧咸11月解約去AC，嘩，石兄，襯到絕喎！
http://hk.myblog.yahoo.com/appleballmen/
（逢周一至周五見報）
蘋果波神個人資料
英國足球狂熱，願能年年去朝拜。