二人女子組合at17的林二汶以及盧凱彤（Ellen）即將推出第二張EP，當中一首歌曲《依然．親愛的》由二汶填詞，她更邀請了好友林嘉欣負責獨白部份。二汶以及Ellen大讚嘉欣表現專業，二汶說：「嘉欣當日只係錄咗半個鐘就搞掂，佢仲提議錄多幾個唔同版本畀我哋揀，佢真係一個好專業嘅演員，讀獨白都好似做緊戲，真係冇搵錯人。」
完成錄音工作之後二汶及Ellen發覺嘉欣的聲線十分吸引，於是不停游說她再推出唱片，Ellen說：「佢把聲聽到令人心軟，我同Ellen係咁叫佢再出碟，仲拍晒心口話一定幫佢寫歌，可惜佢話現時想專心拍戲，我哋惟有要再等時機勸佢。」
撰文：李珮洳