非常時期，何處有「避難所」？一個海嘯打埋來，所謂「覆巢之下，豈有完卵」，股災爆發，弱勢股當然首當其衝，防守力強的股票亦難免殃及，傳統上被視為大跌市資金避難所的公用股，近期都抵不住風暴吹襲，好似中電（002）、港燈（006）股價亦曾重返一年前低位；另一隻煤氣（003）現價更重返回05年11月水平。
地產、公用業務「兩溝」的港鐵（066）近月亦出現洗倉式跌浪，上周五瀉近11%，低收17元，股價時光倒流至06年3月。
基金沽公用股套現
港鐵大跌，與市場預料本港樓市面臨不景氣有關；特首施政報告出台後，港鐵即暫緩推出將軍澳「日出康城」第四期，令市場認為集團盈利前景將受影響。
另一股價被猛質原因，相信係唔少基金好等錢使，不得已都要將港鐵股份掟出街，套現以濟霎時之急。港鐵等公用股應未跌完，買平貨稍等。
方星俠